8th Class English Notes (Unit-4.3) Pakistan’s Most Wild and Beautiful Places

Urdu Translation of the Lesson “Pakistan’s Most Wild and Beautiful Places”

پاکستان کے جنگلات سے بھرپور اور خوبصورت مقامات

پاکستان کے دلفریب  اور خوبصورت ترین مقامات کے بارے میں مضمون پڑھیں۔بحث کریں کہ  ان مقامات کو سیاحتی مقامات میں کیسے تبدیل کیا جا سکتا ہے۔

قراقرم کے سلسلے کی بلد و بالا چوٹیوں سے لے کر دریائے سندھ کے زرخیز میدان تک، پاکستان انواع اقسام کے حیرت انگیز مناظر کے  مسکن ہے۔ جہاں (ایک طرف)  اس کا بھرپور ثقافتی ورثہ، قدیم شاہراہ ریشم، اور موہنجودڑو کے کھنڈرات مسافروں کو مسحور کرتے رہتے ہیں، (آیئے، وہیں دوسری طرف) مزید آگے بڑھتے ہیں اور ایک غیر معروف، جنگلات سے بھرا  پاکستان دریافت کرتے ہیں۔

دیوسائی نیشنل پارک – جو ‘دیوؤں یعنی عفریت جِنوں کی زمین’ کے نام سے مشہور ہے، دیوسائی نیشنل  پارک کی بلند سطح  مرتفع کے پسِ منظر سے (آسمان کو چھوتے) برف پوش پہاڑ نمودار ہوتے ہیں۔ ہر(سال)  بہار (کے موسم میں) ، زرخیز وادی کو (خود رو) جنگلی  پھول اور نادر تتلیاں  ( ایک فوج کی صورت)   ڈھانپ لیتی ہیں، جسے مقامی لوگ ، وہ برف پگھل جانے کے بعد جنگلی حیات سے لطف اندوز ہو رہے ہوتے ہیں، “بہار کا محل” کا نام دیتے ہیں۔   اس حیاتیاتی تنوع سے بھرپور جگہ میں تبتی بھیڑیے، ہمالیا ئی بکریاں، تبتی سرخ لومڑیاں، اور سنہری مارموٹس (بڑے چوہے)  بسیرا کرتے ہیں ۔  حکومت نے 1993 میں انتہائی خطرے سے دوچار ہمالیائی بھورے ریچھ کی حفاظت کے مقصد کے ساتھ پارک کو محفوظ درجہ دیا تھا۔ اس پارک کو 2016 میں ‘جاءِ عالمی ورثہ’ یعنی  ‘ورلڈ ہیریٹیج اسٹیٹس’ کے لیے بھی نامزد کیا گیا تھا۔

وادی  کاغان-شمالی پاکستان کی دلکش وادی کاغان پریوں کی کہانیوں کی جگہ ہے۔ ایک مقامی لیجنڈ کے ایک ورژن کے مطابق، فارس کے ایک شہزادے کو جھیل سیف الملوک کے شفاف پانی (کے کنارے)  پر  ایک پریوں کی شہزادی سے پیار ہو گیا۔ لیکن ایک دیو بھی شہزادی کی محبت میں گرفتار تھا، اور اسے قید کر لیا۔ ایک دن، شہزادہ اس کے ساتھ فرار ہو گیا، اور اپنے  (ناکام ہو جانے پر) غصے سے بھرے  دیو نے وادی میں سیلاب برپا کر دیا اور اس کے (اتنے زیادہ بہتے آنسوؤں سے وادی میں)  جھیلیں بن گئیں۔ آج، دنیا بھر سے زائرین وادی کاغان اس کی الپائن جھیلوں، پہاڑی مناظر اور رات کے صاف آسمان کے لیے سفر کرتے ہیں۔

مکران کوسٹ اور ہنگول نیشنل پارک – مکران کوسٹل ہائی وے پاکستان کے بحیرہ عرب کے ساحل کے ساتھ (سفر کرنے والوں کے لیئے) ایک خوبصورت ڈرائیو (سفر کا تجربہ)  ہے۔ یہ راستہ کراچی سے شروع ہوتا ہے اور گوادر سے ہوتا ہوا ایران کی سرحد تک جاتا ہے، اور اسے (اپنے انوکھے فنِ تعمیر کی وجہ سے)  بنیادی ڈھانچے کی ایک بڑی کامیابی سمجھا جاتا ہے۔ پاکستان کے سب سے بڑے قومی پارک ہنگول نیشنل پارک میں بوزی پاس کے نام سے جانے والی شاہراہ کے ایک حصے میں منفرد، قمری چٹانوں کی شکلیں ہیں۔ یہ اپنے متنوع جنگلی حیات کے لیے مشہور ہے- سندھ کے تیندوے، چنکاراس، شہد کے بیجرز، اور ہندوستانی پینگولن- (اس کے علاوہ)  شایدیہ مٹی کے فعال آتش فشاں کے جھرمٹ کے لیے (بھی)  مشہور ہے۔شاہراہ کے ساتھ ساتھ قدرتی چٹانوں سے بنے    مجسمے بھی دیکھے جا سکتے ہیں، جیسے کہ  اسفنکس کی شکل والے “بلوچستان کے شیر” (کا مجسمہ ہے)۔

وادی ہنزہ اور عطا آباد جھیل-گلگت بلتستان کے شمالی علاقے میں، دریائے ہنزہ کے اوپر پھیلی برفیلی چوٹیاں، دریا کے کنارے پر واقع اور گلیشیئرز اور گھاٹیوں سے گھرا ہوا، ہنزہ کا قصبہ ہے جو روایتی طور پر کوہِ ہندو کُش سے اترکر کشمیر کی وادی میں جانے  والے مسافروں کے لیے آرام گاہ کے طور پر کام کرتا رہا ہے ۔ یہ وادی برفانی چیتے، مارخور، آئی بیکس اور سرخ دھاری والی لومڑیوں کا گھر ہے۔ وادی ہنزہ میں واقع عطا آباد جھیل ہے، جس کا فیروزی پانی پتھریلی چٹانوں سے کٹتا ہوا انتہائی پر کشش لگتا ہے ۔ 2010 میں بننے والی، عطا آباد جھیل سیاحوں کے لیے ایک مقبول اسٹاپ ہے جو کشتی (پر بیٹھ کر) پانی میں (سیر کرنے کے لیئے بھی) جا سکتے ہیں ۔

بلتورو گلیشیر- پاکستان کے مشرقی قراقرم (کے پہاڑی سلسلے)میں، بلتورو گلیشیر دنیا کے سب سے بڑے  (کسی) وادی (میں پائے جانے والے)  گلیشیئرز میں سے ایک ہے۔ اگرچہ اس تک  رسائی (خاصی) مشکل ہے،(تاہم پھر بھی ، جنونی مہم جُو لوگوں کی کثیر تعداد کے یہاں پہنچ جانے کی وجہ سے) یہ  اپنے (دامن) سے اوپر موجود کے ٹو، براڈ پیک، اور گاشر برم جیسے پہاڑی سیاحتی مقامات کی وجہ سے پاکستان کے سب سے زیادہ بھیڑ والے مقامات  میں سے ایک ہے ۔یہ علاقہ نہ صرف اپنے مبہوت کر دینے والے مناظر کے لیئے جانا جاتا ہے،  بلکہ شمالی پاکستان کی آبادی کا ایک بڑا حصہ قراقرم گلیشیئرز کے پگھلنے (سے آنے)  والے پانی پر منحصر ہے۔